Mkakati Mpya Unaowekeza katika Watetezi wa Wasichana Wanaobaleghe na Vijana katika Afrika Mashariki

Aprili 15, 2024 l Programu mpya inayozinduliwa leo katika Afrika Mashariki inaashiria fursa muhimu kwa watetezi wanaotetea uhuru wa kimwili wa wasichana waliobalehe. Shirika la Women Deliver – shirika la kimataifa linaloongoza katika kuendeleza usawa wa kijinsia na uhuru wa kimwili wa wasichana na wanawake – linazindua kikundi cha kwanza cha programu yake mpya ya Viongozi Chipukizi kwa Ajili ya Mabadiliko (Emerging Leaders for Change) katika kanda hii.

Hii ni programu ya kimkakati ya miaka miwili inayowapa vijana watetezi ufadhili, rasilimali, mafunzo, na ufikiaji kwa watoa maamuzi; programu hii inalenga kukuza juhudi zao za utetezi unaozingatia vijana katika nafasi za kitaifa, kikanda, na kimataifa ili kuendeleza uhuru wa kimwili wa wasichana waliobalehe. Women Deliver itazindua programu katika kanda nyingine kila mwaka kwa mfululizo, ikichukua muundo unaolenga kanda moja na unaozingatia mada za mafunzo.

“Women Deliver inatambua kuwa ujana ni hatua muhimu, ambapo wasichana mara nyingi huanza kukabiliwa na fursa zinazopungua ambazo zinaendelea hadi utu uzima. Kupitia Programu yetu ya Viongozi Chipukizi kwa Ajili ya Mabadiliko, tumejitolea kubadilisha mwelekeo wa maisha wa wasichana wanaobalehe kwa kuwaunga mkono watetezi ambao wanaweza kutoa suluhisho zinazolenga vijana katika masuala yanayoathiri afya na haki za ujinsia na uzazi,” anasema Phumzile Mlambo-Ngcuka, Mwenyekiti wa Bodi ya Women Deliver na aliyekuwa Naibu Katibu Mkuu wa Umoja wa Mataifa na Mkurugenzi Mtendaji wa UN Women. “Afrika Mashariki ilichaguliwa kuwa kanda la uzinduzi wa programu hii kutokana na idadi kubwa ya vijana na mahitaji ya haraka. Kwa kutumia mazingira ya kusaidia watetezi wa usawa wa kijinsia na kuanzisha ushirikiano wa kikanda, dhamira yetu ni kuhakikisha kila msichana na mwanamke anayejitambulisha ana udhibiti kamili wa mwili na maisha yake.”

Maombi ya kupata nafasi ya kujiunga na Kundi la Viongozi Chipukizi la Afrika Mashariki la 2024 yatafunguliwa tarehe 15 Aprili, 2024 na kufungwa tarehe 30 Mei, 2024. Programu hii inakaribisha watu wenye umri wa miaka 15-29 kutoka Burundi, Ethiopia, Kenya, Rwanda, Tanzania, na Uganda, wa jinsia zote, huku kukiwa na msisitizo mkubwa kwa wale wanaojitambulisha kuwa wanawake/wasichana au LGBTQIA+. Utetezi wa waombaji nafasi unapaswa kuzingatia SRHR katika jamii zao za mitaa, hasa karibu na maeneo matatu ya kipaumbele ya Women Deliver: huduma za afya kwa wote, haki na usawa katika masuala ya mabadiliko ya tabianchi, na hatua za kupambana na harakati zinazopinga haki za afya ya ujinsia na uzazi. Ili kupata vigezo vya ustahiki na kupata maelezo zaidi, tembelea ukurasa wa maombi.

Kwa maswali na mahojiano na vyombo vya habari, tafadhali wasiliana na: Kim Lufkin, Mkurugenzi wa Mawasiliano, klufkin@womendeliver.org

Kuhusu Women Deliver:
Women Deliver ni shirika kuu la kimataifa la kutetea usawa wa kijinsia na afya na haki za wasichana na wanawake. Kupitia utetezi, kuandaa mikutano, na ushirikiano, Women Deliver inaendesha uwekezaji na harakati ili kufikia ulimwengu ambapo kila msichana na mwanamke anaweza kuishi maisha yenye afya, usawa, na ya kuridhisha. Pata maelezo zaidi kwenye womendeliver.org