15 Mata 2024 l Porogaramu nshya yatangijwe uyu munsi muri Afurika y'Iburasirazuba, ni amahirwe akomeye ku bantu baharanira ko abakobwa b'abangavu bagira ubwigenge ku mibiri yabo. Women Deliver - ikigo kiyoboye ibindi ku isi mu guteza imbere uburinganire bw'umugore n’umugabo n'ubwigenge ku mibiri y’abakobwa n'abagore - kiri gutangiza itsinda rya mbere rya porogaramu nshya yacyo y’Abayobozi Bashya Bagamije Impinduka mu karere.
Iyi porogaramu ni gahunda y'imyaka ibiri iha urubyiruko rw’abavugizi inkunga, ibikoresho, amahugurwa, no kugera ku bafata ibyemezo, hagamijwe kongera imbaraga mu bikorwa byo kuvuganira urubyiruko ku rwego rw'igihugu, rw'akarere n'isi kugira ngo abakobwa b'abangavu bagire ubwigenge ku mibiri yabo. Women Deliver izatangiza iyi porogaramu mu tundi turere buri mwaka ku buryo buhoraho, ikurikije imiterere yihariye, ishingiye ku turere no ku ngingo.
"Women Deliver yemera ko igihe cy'ubwangavu ari igihe cy'ingenzi cyane, aho akenshi abakobwa batangira guhura n'amahirwe agenda agabanuka agakomeza kugeza bakuze. Binyuze muri porogaramu yacu y’Abayobozi Bashya Bagamije Impinduka, twiyemeje guhindura imibereho y'abakobwa b'abangavu binyuze mu gushyigikira abavugizi bashobora gutanga ibisubizo byibanda ku rubyiruko mu bijyanye n'uburenganzira n’ubuzima bw'imyororokere", nk'uko byavuzwe na Phumzile Mlambo-Ngcuka, Perezida w'Inama y'Ubuyobozi ya Women Deliver akaba n'uwahoze ari Umunyamabanga Mukuru wungirije w'Umuryango w'Abibumbye n'Umuyobozi Mukuru wa UN Women. "Afurika y'Iburasirazuba yatoranyijwe nk'akarere ka mbere ko gukoreramo iki gikorwa kubera umubare munini w'urubyiruko ruri muri ako karere n'ibikenewe byihutirwa. Dushingiye ku bidukikije bishyigikira abavugizi b’uburinganire bw’umugore n’umugabo n'ubufatanye mu turere twashyizweho, intego yacu ni ukureba ko buri mukobwa wese n'umugore wese wiyemeje ko afite ububasha busesuye ku mubiri we n'ubuzima bwe".
Kwiyandikisha mu itsinda rya 2024 ry'Abayobozi Bashya bo muri Afurika y'Iburasirazuba bizatangira ku wa 15 Mata 2024 birangire ku wa 30 Gicurasi 2024. Iyi porogaramu yakira abantu bafite imyaka 15-29 baturutse mu Burundi, Etiyopiya, Kenya, u Rwanda, Tanzaniya na Uganda, b'ibitsina byose, yibanda cyane ku bantu bumva ari abagore/abakobwa cyangwa LGBTQIA+. Ubuvugizi bw’abasaba bugomba kwibanda kuri SRHR mu baturage, cyane cyane ku nzego eshatu z'ibanze za Women Deliver: ubuvuzi rusange, ikibazo cy'ikirere, kurwanya amahuriro y’abarwanya uburenganzira. Kugira ngo umenye ibisabwa n'ibindi bisobanuro, sura urupapuro rusaba.
Ku bibazo by'itangazamakuru na interiviyu, andikira: Kim Lufkin, Umuyobozi Mukuru ushinzwe Itumanaho, klufkin@womendeliver.org
Ibyerekeye Women Deliver:
Women Deliver ni umuvugizi uyoboye ku isi yose mu guharanira uburinganire bw’umugore n’umugabo ndetse n'ubuzima n'uburenganzira bw'abakobwa n'abagore. Binyuze mu gukora ubuvugizi, guhamagarira abandi hamwe n'ubufatanye, Women Deliver ituma habaho ishoramari n'ibikorwa byo kugera ku isi aho buri mukobwa n'umugore ashobora kubaho ubuzima buzira umuze, bw’uburinganire kandi bwuzuye. Menya byinshi byisumbuyeho kuri womendeliver.org.
